Jowai : Ha ka yakhun 1st Division ynne ka sngi hapyrdi ka Chilliangraij wa ka Nangbah Iawmusiang ka Chilliangraij da jop ko da 5-1.
Ya ki kool ka Chilliangraij da thap da u Datngen Dan ha ka minit wa 19, u Dathrang Dkhar ha ka minit 23, u Chanki Iakai ha ka minit wa 61 wa 70, wa na u Wanmiki Iakai ha ka minit wa 73 katwa ya ka kool ka Nangbah Iawmusiang da thap da u Kerthmulang Khasai ha ka minit wa 25.
Ya ki yakhun Semi Final daw yaleh ha ka 28 wa 29 tarik, heiwa ha ka 28 tarik heipor 2:30 nohchariñ sngi u yaleh ka Demthring pyrchah ya ka Tpeppale katwa 29 tarik heipor 2:30 u yaleh ka 7 Wasa pyrchah ka Chilliangraij.
Ha ka yakhun Semi final yong ka 3rd Division ynne ka sngi hapyrdi ka Khliehmynkrem wa ka Mulang Ialong. Ka Khliehmynkrem da jop ko 1-0 lyngba ka kool na u Firstborn Pakem ha ka minit wa 49.
Katwa ha ka Semi Final hapyrdi ka Mukhla Raij wa ka Mookyndur. Ka Mukhla Raij da jop ko da 3-0 lyngba ki kool na u Pi u Sari ha ka minit wa 3, u Benny Dkhar ha ka minit wa 56, wa na u Pyntngen Suna ha ka minit wa 71.
Ya ka yakhun Final yong ka 3rd Division hapyrdi ka Khliehmynkrem wa Mukhla Raij daw pyntip ha kini ki sngi wow wan.
Discussion about this post