15 49.0138 8.38624 1 0 4000 1 https://wyrta.com 300 0
Advertisement ad1

Ki yalang pynsñiawthooh yow yait na i chongkha dang khynnah

0 Comments

Jowai: Ka Society for Urban & Rural Empowerment (SURE) Jowai hei ya khreh kaam lang wa ka District Planning Jowai, da pynman ko ya ka pynsñiawthooh paidbah namo ka Awareness Programme hajrong ka phang “Early Marriage” namo i yoh kurim heipor wa dang kynnah ha ki 3 tylli ki chnong kitæ ha Mushroot ha ka 23 tarik u bnai Khonchonglad 2018, Amkhloo ha ka 23 tarik u Thohlakhmi 2019 wa ha Moodymmai Secondary School ha ka 8 tarik uni u bnai.

Ya kini ki yalang da pynlai da ki wakreh ka SURE chirup wa i emlang kiwa kit kaam ka chnong.

Ha waroh kini ki 3 tylli ki yalang da em ka Marygold Papiah, kawa man kam ka Adolescent Councellor, Laskein CHC kawa da pynche pynsñiaw ko chaphang i yoh kurim dang khynnah.

Da batai ko chaphang iyi mut i ktien Early Marriage namo i yoh kurim dang hapoh 18 snem i rta ya ki khynnah khynthai, wa ya ki chynrang nawon kiwa 21 snem i rta. Da batai ko leh chaphang ki daw kiwa pynman ya ki khynnah u chongkha ki dang khian i rta kam i wym ngait sneiñ yeiwa sneiñ i khroo yong kiwa heh wa san, i sdang kylla i rukom man i doh i pran, i kylla ha i rukom pyrkhat ha ki khynnah khynroo, kiwa chah pynbiej ha ki lok yong ki, kiwa sah jngai na ki bei ki pa yong ki, i duna ha ka yoh ka kot, i chah pynbiej ha ka pyrthai thymme kam ki Mobile Phone, Internet wa ki Social Media wei i chah eiñ ha ki jait dih waphær waphær.

Chooh chooh da pyntip ko leh chaphang kitæ ki laad ki wow yada na i yoh kurim dang khynnah, kam i wym hoi u tieñ u kyntait ya iwon iwon iwa sih ( Don’t be afraid to say NO), toh u em leh katæ ka sñiaw yajan wa kiwa hayung hasem, toh u tip leh u jied ya ki lok ki jor wa bha khnang wow lait na i chah pynchoi, i stat i tip man ko kawi kawa emkaam bha ha kani ka juk wa katni yow man kam ka nongmuna ya kiwi ki khynnah khynroo u bood ki.

Advertisement ad1

0 Comments

Leave a Reply