Shillong : Katkam ka khubor wa da yoh da pyntip wa em kawi ka kari Renault Duster wa em u No. AS 01 BP 6591 kawa lai cha Guwahati na Silchar da ya tyrrah ko wa kawi ka truck ha u sarok Shillong By-pass ha Umeit, Umsning Block, Ri Bhoi District.
Ini da jia i ynnin ka 11 tarik heipor kamwa 3:45 nohchariñ sngi heiwa ka kari 108 Emergency Service Ambulance kawa em ha Bhoirymbong da kit ko ya kiwa mynsoo kiwa kynthup ya u Utom Das uwa 40 snem wa u Sandhu Singh uwa 37 snem i rta cha Bhoirymbong CHC yow yoh ki yei sumaar wa emkaam.
Ha kajooh ka sngi kawi ka manbei kawa tip kam ka Rupa Devi kawa 50 snem i rta da oor ko najrong ka thuk thuk ha u sarok wow lai cha Sohra.
Ini da jia i heipor 3:45 nohchariñ sngi wei da jia i heithaw wa em speedbreaker ha Mawjrong, Laitkroh Block, East Khasi Hills District. Ya kani ka manbei da pynkit cha Shillong Civil Hospital yow yoh yei sumaar.
Ha iwi tawan i ya tyrrah kari ka wi ka Maruti Alto da tynkhuh ko wa ka wi ka TATA Sumo heiwa u driver wa kawa chong ha khmat da mynso ki.
Ini da jia i ha 3rd Mile, Upper Shillong hapoh ka Mylliem Block ha East Khasi Hills District ha ka 10 tarik heipor 1:38 i sngi.
Ya kiwa mynso da kit ya ki da ka ambulance 108 cha Shillong Civil Hospital. Kiwa mynso da tip pyrtuid kam u Karneslius Syiemlieh 32 snem wa ka Henbor Nongpluh 27 snem
Discussion about this post