15 49.0138 8.38624 1 0 4000 1 https://wyrta.com 300 0

Pyrchah ki ar seiñ ya ka ujor ka JHCMA ya ka Dorbar ki Dolloi

0 Comments
Advertisement ad1

Jowai : Hadien wa mih ka khubor wa pyrchah ka Jaintia Hills Cement Manufacturing Association (JHCMA) ka seiñ ki kharkhana pynmih khyndawbilat ha ri-loom Jaiñtia yei khrong dan ki Dolloi kawa tip kam ka Customary Tax ha ka Check Gate wa em ha Mookyndur wa kynnoh wa man i leh iwa be-aiñ ki ar seiñ ka AJHSWO wa ka WJNC da pynrem joor ki ya ka JHCMA.

Neiliang ki arseiñ da ong ki leh wa i kynnoh ka JHCMA toh iwa ym em nongrim neibhah ki ym tip tikna wa i leh ki dolloi man i i hok yong ki namo ymtoh i hok yong ki.

Ini i kynnoh ka JHCMA khlem chemtre man i kamwa kheiñ poh ya ka Dorbar ki Dolloi ka Ri Jaiñtia kiwa pait ya ka niam ka rukom, ka riti dustur ka jaitbru. Ki ar seiñ leh da ong ki wa ka JHCMA toh u pynbiang chwa ko yei kular ko wow e kreh ya ki paidbah ha ri-loom Jaiñtia deiwa thung kaam 60 na ka 100 ya ki tre chnong.

Ki arseiñ leh ong ki wa emkaam u pynmih ya ki advertisement ya waroh ki kaam wa lait hapoh ki Cement Plant neibhah hadooh katni ym jooh yoo ya ki advertisement wa lait kaam.

Heiyatoh won wa kdaw ka JCHMA wa da em ka mukotduma ha pyrdi u Md. Jakir Hussain Vs. State of Assam & Others kawa khang ya waroh u khrong poisa ha ki National Highway, ki arseiñ da ong ki wa ym yahap ka rai kani ka mukotduma neibhah i synchaar khadar ha Assam wa ha Meghalaya yaphær ko heiwa ha Assam da em da ka Panchayati Raj.

Kamjooh da ong ki wa katkam wa kam ka JHCMA wa waroh i khrong poisa ha ki National Highway toh u lai katkam ka aiñ NHAI Act 1988 wei ye u khrong poisa du hadien wa yohbor na ka NHAI lada kamtæ kammon ka tnat Sales Tax, DMR wa ka Transport khrong dan ki? Da kylli ki ar seiñ.

Da pynkut won deiwa ong wa ki arseiñ ym em ya chah chiliang ki cheiwon cheiwon, wei ki dang thooh tre ki yow tip wa kani ka Customary Tax/Toll Gate toh kawa em hok sakhiat u em namo ka wa wym em hok.

Kani toh katkam ka khubor wa pyllait da u president ka AJHSWO u R. Biam wa u General Secretary ka WJNC Central Body u L. Syad.

Also Read : Ujor ki kharkhana khyndawbilat wa khrong dan be-aiñ ki Dolloi

0 Comments

Leave a Reply