Shillong: Chirup wa ka jylla waroh kawi, ka Baghmara leh da lehkmen ko ya ka 57th Teachers Day ynne ka sngi ha Don Bosco Secondary School Hall, Baghmara.
Ha kani ka sngi u H.B.Marak uwa man kam u Deputy Commissioner ka South Garo Hills District da ong u wa ka kaam hikai man ko kawa pynchlur wei kawa emkaam yei mynsien raikut katwa kamtæ emkaam wow burom ya kiwa sikai.
Deiwa ong wa ki skur man ki kam ki thaw wa kyntang da kyntu u ya waroh wow burom ya ki kam ki yung mane.
Da e khublei u leh ya kiwa yoh ya ka District Award, u Gibimol Mathew, Asst Science Teacher Don Bosco Secondary School; ka Senitha R Marak, Asst. Teacher Sibbari Secondary School (U.P Section); u Indrocent N Marak, Headmaster Dabram LP School kamjooh ya kiwa yoh ya ka Best Scouts wa Guide Masters.
Da pynkut u deiwa ong wa emkaam wow booh ya ki dak ki chin chadien khnang wa ki wow bood u kynmoo ki ya ki kaam wa da leh heini.
Kiwi kiwa da klam ha kani ka sngi kynthup ki ya ka G.W. Momin (Rtd.) Teacher ka Rangku Memorial Girls Secondary School, u S. Dey, SDSEO, ka D.Ch. Sangma DSEO, Fr.P.T. James u Principal Don Bosco Secondary School Baghmara.
Discussion about this post