Ynne ka sngi wow kynmoo tympang,
Da ki khon ka Ri wa waboon walang;
Yow Woh Kiang Nangbah, khlawait ka Ri
Wa chah radang ha’u tylle pasi.
Kiang Nangbah toh du me donhi,
Uwa yaleh laitlooid ya ka Ri;
Wa yap khlem wyrai, ha kti ki kiwa choon
Ha khmat i sakhi yong u paaid waboon.
Kiang Nangbah, Kiang Nangbah,
Chisien yei burom ka Ri darah;
Nongmuna wayah, wa pynyoo mi,
Yaleh khlem tieñ, dei mynsiem yatylli.
Khon ka Ri! To bood nongmuna,
Ya u Kiang wa maya yong phi yong nga;
Dolloi Tyngker to beh chajngai,
Wa biej rong, biej spah pyrthai.
Kiang Nangbah wyrchaw O ki kti,
Hei naam, i pyrtuid ka jaitbru wa ka ri;
Kyrkhu khyrdoh, ksan-nia ksan chang na dwar u Blai,
Yow mih kiwa yalam, ki dapchynrang, dapkynthai.
Kiwa tieñ yei thok, chukor, i sang, ima,
Kiwa chlur yei hok, ibha watoor wow watia.
Discussion about this post