Kit bok ka JSU wa ka JYF ya u khynroo Hame

Jowai : Ki ar tylli ki seiñ kiwa kynthup ya ka Jaiñtia Students’ Union (JSU) wa ka Jaintia Youth Federation (JYF) da e khublei kitbok kitrwiang ki ya u khynroo Hame Shaniah Suiam uwa da chah jied wow lai yakhun ya ka WAKO World Kick Boxing Championship ka wow man ha sorbah Dublin hapoh ka ri Ireland.

Uni u khynroo da kreh mih u katni na chnong yong oo na Shangpung weiwa na ri India dawlai u cha katai ka sorbah wow lai yakhun u ka wow sdang nadooh ka 21 hadooh 29 tarik uni u bnai.

“I yohlad utai u khynroo wow lai mihkhmat ya ka District, ka jylla wa ya ka Ri India man ko ka burom ym du kat ya ka ri Jaintia, tangwa ka ri India hi waroh kawi” da ong u President ka JYF u ma Poipynhun Majaw.