Neiliang ka HITO West Jaiñtia Hills District da kitbok kitrwiang ko ya ki khon khynroo khyllood ka West Jaiñtia Hills District kamjooh leh ya waroh ki khon khynroo yong ka jylla kiwa da lai ya chimbynta ha ki yalehke waphær waphær ha kani ka Meghalaya Games 2022, kawa sdang nadooh ka kani ka 3 tarik hadooh ka 6 tarik uni u bnai ha nongbah Shillong.
Katkam wa man katni, ka yalehke Sports da man ko i kyrkhu yaki khon khynroo khylood ka jylla yow ye ki leh wow mihkhmat yaka jylla wa ka ri haki lympung wa heh kam ka National Level wa International Levels waka Olympics.
“Ka seiñ da e ko yei kyrchaan ya phi doh wa mynsien wow yaleh bha phi ha kani ka Meghalaya Games 2022, khnang wow ye phi u wanrah burom yaka District wa ka yung ka sem yong phi.”
Ha iwi i liang, ka seiñ da beiñ ko leh yei wym ye ka Meghalaya State Olympic Association (MSOA), ka Directorate of Sports and Youth Affairs yong ka jylla wow pynbiang ya ka thaw sah kawa biang ya kiwa yalehke nadooh ki thaw thiah, ka um, ki paikhana wa kiwi kiwi deiwa ong leh wa ya kam kini waroh toh u pynkhreh bha chwa tangwa ynnin i miet da hap kiwa yalehke u kit u bah ya ki tusok (Mattress) na iwi i thaw cha kiwi.
Ka seiñ da beiñ ko leh yei wiar u Montri ka chnat Sports & Youth Affairs, u Banteidor Lyndoh ha kam ini i por wa chem chitom kiwa yalehke heiwa ym em wan u wot wow lai pait leh.
