Jowai: Ka HYC War Jaiñtia Circle ka dap ko dei sñiawkmen kawa khroo ya ka Nongtalang Govt. Secondary School kawa da yoh wow mihkhmat ya ka jylla Meghalaya cha ka National Children Science Congress ha ki artylli ki sorbah yong ka ri India da ki arngut ki khynnah skur, ka Anushu Jha, kaw daw phah cha Bhubaneswar, Odisha wa yaka Alfricia Pohsnem cha Hyderabad, Andhra Pradesh.
Neiliang u President, u Yoodahunki Shylla da pynsñiaw u yei sñiaw sarong chiboon ya u S. Ghose uwa sikai ha katai hi ka skur uwa da yoh ya ka naam kam uwi na kiwa sikai wa stat bha haka Mathematics na ka All India Ramanujan Maths Club kawa da man ha ki bnai wa da dep ha Surat, Gujarat.
U President da ong u leh wa oo leh jooh man u uwi na kiwa puræ ha katai ka skur haki snem wa da lai, da pynsñiaw u yei kmen wow yohsñiaw wa ka NGSS da ku ko katni wei ha i jooh i por da ong u wa kani ka skur da em ko ha i jooh i kyrdan wa kiwi kiwa na sor neibhah da yoh yei naam kawa khroo wei nadooh ki por wa dang lai skur u da chem u wa ha ka Physics khamtam ha ka Maths man ko kawa biang bha wei man ko i kyrkhu kawa khroo ya ki khynnah puræ ha katai ka skur.
Kamtæ da kitbok kitrwiang ya katai ka skur yow poi ko cha ka thong yong ka wow wanrah ka naam ka burom hapoh ka jylla.
Discussion about this post