15 49.0138 8.38624 1 0 4000 1 https://wyrta.com 300 0

Sñiawngooh ka KSU Hingaria Unit ya u DC East Jaiñtia Hills

0 Comments
Advertisement ad1

Jowai: Ka Khasi Student’s Union Hingaria Unit, East Jaiñtia Hills District da pynsñiaw ko yei sñiawngooh ya u DC ka East Jaiñtia Hills hajrong i chimkhia wow su yaka bai lutsan yong ki tre thaw.

Kamwa pynkynmoo wa heiyatoh wa i chimkhia ka sorkar wow pynkreh yei kær sainar chieh ha pood ka Indo-Bangla, ki paidbah chong chnong ka Hingaria da dep yoh ki yei su ha u snem 2017 ya kamwa 107 tylli ki manyung. Hadien wa da yoh yaka ujor na ki paidbah wa dang em ki wym pu yoh ya i su ya ka bai mar rep mar riang kiwa da chah tympra ha ka NBCC Company, kamtæ ka seiñ hapoh i yahkhmat u Garnes S Talang, Secretary ka KSU Hingaria Unit wa u Shaniah Shkem Dkhar u Asst. Finance KSU Jaiñtia Hills Unit, da lai wow booh biang daka dorkhat neibynta wow kyrpaad ya u DC warim ka East Jaiñtia u MS Lhuid ha u snem 2017.

Advertisement ad1

Nadooh u snem 2017 ter ter hadooh uni u snem, ka seiñ ym em chongngiah ko deilang wa ki bor chnong da lai booddien ki ya kani ka kaam deiwa lai mih boonsien cha yungkrehkaam u FM Dopth, DC wa katni ka East Jaiñtia Hills.

Ini i boodien ka seiñ ym em man ko kawa sepai, kamtæ haka 03-12-2019 da i kreh chitom u DC da ye wow pyllait biang yaka bai lutsan cha ki 85 ngut ki paidbah hanlada ka su poisa man ko du kamwa 50% donhi leh.

Ka seiñ ha i jooh i por sa chisien kyrpaad ko ya u DC wow leh u rap smat ya kawa dangsah khnang wym booh ko yei eh yaki paidbah.

Ka seiñ da kyntu ko yaki kattu katni ki bru kiwa wan wow tuklar hajrong kani ka kaam wow sñiawbha ki wow ya krehlang wa ka bor chnong bor thaw ym toh du wow leh chongchit khlem da tip ya ka sdang ka kut, pynkut ka kyrwoh na u President ka KSU Hingaria Unit u SS Lamin.

Advertisement ad1

0 Comments

Leave a Reply