Ka HNLC da chim ko yei kitkhlieh hajrong i tympdung ya u Bomb IED ha Police Reserve, Khliehriat iwa da jia heipor 2 duna ynne i step synyaaw. Deiwa ong wa ini leh yong ka seiñ toh wow pynhiar tput ya ka chnat pulit kawa emkti wow tynyap dusmon yaki dkhot ka seiñ.
U GS ka HNLC da ong u wa hanla ki pulit da ye ki wow jop suk ya ki seiñ kieñ suloi ha Ri-loom Garo tangwa pyrchah ya ki won ym man ko kamwa mutdur ki.
Ka seiñ da maham ko leh ya ki kattu katni ki bru samen, ki heh spah, kiwa mihkhmat paidbah wei da maham leh ya ka Star Cement wa lada ym sangeh wow tih ya u moochuni ha Brishyrnot, ka HNLC ym banse ko wow hiar thma biang ya katai ka karkhana.
Da ong leh wa ini i jia toh ka khubor cha ka chnat kaam pohyung wa lada u Amit Shah u nang mutlop u wow pyndooh ya i eh ka jaitbru kamwa da angnood daki paaid Ynñiawtrep, ka HNLC u pteiñ chooh chooh ko ya kini ki kaam yong ka.
