Heiyatoh wa iwa jia ha Nongmensong heiwa da mynsoo uwi u khynroo wa uwi u bru ka CRPF, neiliang u Montri wa pait ya ki kaam pohyung ka jylla, u Lahkmen Rymbui da ong u wa emkaam ya ki pulit wow leh smat ki yei kaam yow lait u em kiwa chim kabu ya iwa jia yow lait neh ni pynheh ya iwa jia wa khian.
Da khana u wa heipor 11:30 ynnin i miet, ki pulit da yoh yutip ki wa da em ki bru wa da pynkulmar ha iwi i yung heiwa ki pulit da ye ki wow pynbait ya ini iwa jia hapoh kattu katni kynta. Hadien ini da yoh yutip biang ki pulit wa da em biang ki bru wa pynkulmar sa ha iwi won i thaw heiwa da lai ki cha ini i thaw wei da chem ki ya arngut kiwa muaid wei da ki ya ki cha thanat. Heiwa uwi toh u wakreh u DGP katwa uwi won toh u Henry Kharkongor.
Manda poi ha thanat da em kamwa 50-60 ngut ki bru kiwa da wan pynmih kulmar heiwa da chah ktah ki kari heiwa da mynsoo leh uwi u bru ka CRPF.
Hajrong ini i jia da ong u wa ki pulit toh u leh smat ki yei kaam yong ki yow lait wa ini jia wa khian u em won wa chim kabu deiwa pynpoor ya ki khubor hamsaya wei wow wanrah yei sñiawthooh wa bakla.
Hawa kylli da ong u wa ini ym toh iwa jia hapyrdi kawi ka jaitbru wa kiwi ki jait bru wei iwon iwon i jia leh ym ye wow pynwandur ki kam iwa jia hapyrdi kawi ka jaitbru wa kawi ym du ini wa jia ha Nongmensong kamjooh leh cha kiwi ki thaw.
Heijooh i por da ong u leh wa ki pulit toh u e yutip smat ki hajrong ini i jia yow lait u yohlaad i poor ki khubor wa yahbakla ya ki bru. Da kyntu u leh ya ki paidbah wow em i kitkhlieh wei wym toh wow khyrwait wow pynkylla ya ini i jai yow wanrah yei sñiaw yaphær jaitbru.
