U President ka Meghalaya Pradesh Congress Committee (MPCC), u Vincent Pala da chim u yei kitkhlieh hajrong i chah rem noh ka Party ha ka Election chiteiñ samoi na ki le tylli ki Constituency.
U Pala da ong chooh chooh u wa hei chah pynrem ka Party ha ka Election chiteiñ samoi na Rajabala, Mawphlang wa Mawryngkneng da man leh neidaw wa yaleh pyrchah ki dkhot ka Party kiwa da yakhun pyrchah ha katai ka Election, wei lada ki bru na ka Party ym yakhun næ yaleh pyrchah, ka Party da jop ko ha waroh le tylli ki Constituency.
Uwa yahkhmat ka MPCC da ong u leh wa ka Party hanla da rem ko ha ka ka Election chiteiñ samoi, i yoh ya ki Vote da ku bha hawa nujor wa kiwi ki Election.
Hawa kylli, da ong u wa i mih ki dkhot ka seiñ Congress ym toh wa em i kynrum kynram hapoh ka Party, tangwa wa mih kiwa yahkhmat kam na Mawphlang wa Rajabala wow yakhun na kawi won ka Party wow pyrchang yei nasib ha kani ka Election wei kamjooh ha Mawryngkneng.
