U Symbood Montri Rangbah ka jylla uwa pait ya ki Kaam Pohyung, da pynsñiaw u yei sñiawsih hajrong i jia ha ka 19 tarik ha ka Rally yong ka KSU, kawa da ktah yei burom yong ka jylla.
Da ong u wa kamwa da yoo, ki bru kiwa lai chimbynta ha ka Rally ym yoo toh kam kiwa lai Rally, yoo lakam wa mut u lai hiar thma ya kiwon kiwon næ kiwon kiwon deiwa thombor ya ki kari sorkar wa kari paidbah wei kamjooh ya ki kari Assam khlem da kheiñ da pait wa em leh ki khynnah, ki khonboo hapoh deilang ki manbei.
Da ong u wa neiliang ka sorkar ym e laad ko ya kam ini wa jia wow jia neini chakhmat.
Da pyntip u wa neiliang ka sorkar daw jubab ko ya ka High Court ka Meghalaya, hadien wa da chim ko wow booh hi da ka PIL heiyatoh wa ini wa jia.
Heiyatoh wa i chah pynthut i lai i wan ki paidbah Meghalaya wa Assam, da ong u wa neiliang ki Chief Secretary wa ki DGP yong ki ar jylla da yaklam ki man ka kynta wei da ye wow pynbait yow lait u em de i chah pynthut.
Da khana u leh wa neiliang ki Montri Rangbah ki ar jylla da thung ki da ka Joint Committee wow mihkhmat da uwi u Montri na ki ar jylla yow pynbait ya ini i kaam yow lait u chah ktah i lai i wan.
Discussion about this post