U Montri ka chnat Puræ Puthi ka jylla u Lahkmen Rymbui da pyntip u wa ya Meghalaya Teachers Eligibility Test (MTET) Certificate yong kitu kiwa da pyndep ya kani ka Exam u man ko kawa krehkaam chi rta.
Ini i pynbna da wan i hadien i rai da ka National Council for Teacher Education (NCTE) yow pynyinsur yei por wa im ki Teacher Eligibility Test (TET) Certificate waroh chi rta.
Ini mut wa kitu kiwa da pyndep ya ka MTET ym emkaam de ki wow yaleh ya ka manda pynman biang neibhah u im ka Certificate wa da pyndep ki ya kai ka Exam chi rta.
Da pyntip u wa nachwa kani ka Certificate wa pyndep ya ka MTET da krehkaam ko 3-7 snem tangwa kattu nadooh wa pynbna ka NCTE, ka MTET toh kawa da krehkaam waroh chi rta.
Heiyatoh wa ka MTET Exam kawa daw pynman, u Montri da pyntip u wa da hap rah tarik neidaw wa em ka khlam COVID-19.
