Hadien wa mih ka khubor wa yap ki ar ngut ha Assam Regimental Centre, Happy Valley nei suba chah ktah ha u khñiang Meningococcal, neiliang u Montri wa pait ya ka chnat i chait i khiah ha ka jylla, u Wailadmiki Shylla da pyntip u wa ki bru wa yachem wa kini ki ar ngut da phah chong Quarantine wei da bichaar bniah yei chait i khiah yong ki.
Da pyntip u leh wa neiliang ka chnat da phah ko ya ki bru yong ka cha katai ka thaw ki chipai yow chim ya ki laad yada.
U Montri da pyntip u leh wa ki ar ngut kiwa da khlaad toh kamwa ar tayaaw nachwa wei ymtoh kiwa khlaad heijooh i por, wei da kyntu u leh ya ki paidbah wym toh u sñiaw tieñ ki.
U Wailadmiki da pyntip u leh wa da chim ya ki nongmuna (Samples) yong ki bru wa chah ktah na u khñiang kjut yow phah puræ bniah wei yow tip che kammon wa da yoh ki ya uni u khñiang kjut wei lada toh uni u khñiang kjut wa leh, wei hadien won ka chnat daw bichaar ko wow pynkrehkaam ya ki kyndon (Standard Operating Procedure).
https://www.facebook.com/share/v/1TxDy5CLJJ
Discussion about this post