Ka yung krehkaam ka Director of Health Services (MI) da pyntip ko cha waroh kiwa kwah wow lai puræ B.Sc Nursing lyngba ka Government Quota (Sponsorship) næ ha ki thaw puræ ki bru samen (Private Institution) wa em hapoh Meghalaya, daw hap ki wow yaleh yaka Common Entrance Examination (CEE).
Kani ka CEE toh neibynta hapoh ka jylla donhi wei daw pynman yaka daka Directorate of Health Services (MI) ka sorkar Meghalaya.
Du kitu donhi kiwa yoh Percentage katkam wa daw booh u yoh ki wow lai puræ B.Sc Nursing.
Yaka tarik wa ki thaw pynman ya kani ka Common Entrance Examination daw pynbna won hadien.
Discussion about this post