15 49.0138 8.38624 1 0 4000 1 https://wyrta.com 300 0

Kiwa pathai khubor toh u thoh ki yeiwa sakhiat: Conrad

0 Comments
Advertisement ad1

Shillong:  U Montri Rangbah ka jylla, u Conrad K Sangma da ong u wa kiwa pathai khubor ymtoh u pynkylla ki yeiwa sakhiat tangwa ka thong hi toh wow saam ya ki yutip wa sakhiat cha ki paidbah wa ka imlang sahlang.

Yeini da ong u hawa klam ha ka yalang ya ka National Press Day kawa man ynne ka sngi ha nongbah Shillong.

Advertisement ad1

U Conrad da ong u wa kawon kawon kawa leh, toh wow em i kitkhlieh, wei i chaniah u man i iwa emkaam neibhah khlem i chaniah booh ko hei eh wow chna ya i yatoh wa ki para bru.

Da ong u wa ki laad pathai khubor toh u chim kabu ki wow pynemkaam yei wan i stat thyme tangwa ym mut i wow pynwiar noh ya ki kot khubor neibhah wa du wow pait wei wow puræ ha ki mobile, ym pynhun ko khlem yoh u ksoh ya ka kotkhubor ha kti.

Da ong u wa iwi iwa kongsan toh wow kiar na i thoh næ wow pynpoor ya ki khubor thok wei emkaam wow em i che wa i sñiawthooh hapyrdi ki paidbah.

Heijooh i por, u montri rangbah da pyntikna u leh wa ka sorkar daw pynkrehkaam ko ya i dawa kiwa pathai khubor wei yeini daw wanrah ha kani ka mang poisa uni u snem wot lada ym ye wow leh lut tangwa daw pyndep ya ki kattu katni kiwa rap kongsan.

Ha kane ka sngi, da emlang u montri ka tnat DIPR u AL Hek, wei kiwi kiwa da e i klam ha kani ka sngi toh u Christopher Rani na ka CR Projects wa u Ebenezer Lyngwa na ka State eMission Team Meghalaya.

Advertisement ad1

0 Comments

Leave a Reply