Kiwa tyngkhooh tarik ka yaleh Exam wa ki sngi pynman Physical Efficiency Test, ye ki wow pynkylla tarik

U Chairman ka Central Recruitment Board (CRB) ka Meghalaya Police da pyntip u wa neidaw wa ye u em ki Exam yong ki University, ki Board wa ki College wa tyngkhooh wa ki tarik wa pynman ya ka Physical Efficiency Test (PET), wei ini daw ktah ko ya kitu kiwa yalehkreh pulit kiwa daw hap pyndep ya ka PET yong ki.

Kamtæ lada em kiwa tyngkhooh tarik Exam wa ki sngi wa pynman ya ki PET, hap ki wow lai yachem wa u Centre In-Charge wa da booh wow yaleh ki ya ka PET wei wow booh ya ka Application katkam ki kyndon ka CRB deiwa pynbiang ya kini ki kot ki sla:

Ka Xerox Copy ka PET Admit Card.

Ka Xerox Copy ka Admit Card yong ka Exam wa daw yaleh ki ha ka Univertisty/Board/College.

Ka Xerox Copy yong ka Routine Exam wa da pynmih da ka University/Board/College.

Hadien wa yoh ya kini ki Application, ka CRB daw booh ko da kiwi ki tarik yow leh ya ka PET.

I pynkylla tarik ya ka PET u chah u leh du chisien donhi deiwa biang ki daw, wei ym chah wow pynkylla tarik boonsien wei ym pdiang leh ya ki Application wow pynkylla tarik biang.

Related posts

Wa pynkhih ya ka Reservation dooh nong ki Khasi Jaiñtia, lada poi yung bichaar hadooh 50% u yoh bhah kiwi: Wailadmiki  

May 26, 2026

Pynbna ka WJSU wow pynman ya ka Election jied President ka seiñ

May 26, 2026

Ka tarik wa khaddooh wow pdiang ya ki Application wow pynkylla tarik ya ka PET toh hadooh ka 18-11-24.

Lada emkaam wow tip rap che ye wow lai cha ka yung krehkaam ka Central Recruitment Board (CRB) næ deiwa Phone ha u Helpline: 6033164273.