Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4th Kyrmen Shylla Contribution Trophy dapoi ko cha ka sngi wa ar ynne deiwa pynman ar tylli ki yalehke.
Ha ka yalehke wa nyngkong, ka R. Shkenshynriah SC da rem ko da 1-3 ha ka Dhana CSC.
Ya ka R. Shkenshynriah da thap da u Shepherd Ksih ha ka minit wa 24 katwa ya ka Dhana da thap da u Harita Suchen ha ka minit wa 21, u Wanlam Kassar ha ka minit wa 45 wa u Pynio Dkhar ha ka minit wa 61.
Ha ka yalehke wa ar, ka Ladrymbai-B SC da jop ko da 2-1 ya ka Khliehriat West YWSC.
Ya ka Ladrymbai da thap da u Rimetre Lyngdoh ha ka minit wa 30 wa u Mihsalan Suiam ha ka minit wa 71 katwa ya ka Khliehriat West YWSC da thap da u Dawyoo Bhoi ha ka minit wa 76.
Ki yalehke wa bood u pynman ha ka 14 tarik ar tylli:
Thangskai Tiger SC Vs Sutnga SSCC (11:45 AM)
Chiehruphi SYWSC Vs R. Iawpynsing SC (2:15 PM)
Discussion about this post