Shillong: Ki MLA ka Congress kiwa ieh kaam ynne ka sngi da pynbaad ki ya u president ka MPCC u Dr. D.D. Lapang wa u Montri Rangbah ka jylla, u Dr. Mukul Sangma wa man ki daw wa mih ki na ka party.
Hawa yaklam wa kiwa pathai khubor ynne ka sngi u Rowell Lyngdoh wa u Prestone Tynsong da ong ki wa u Dr. Mukul wa u Lapang toh i daw wa mih i awri awra hapoh ka party.
U Rowel da ong u wa kam u MLA pyrchah joor bha ki yei rukom krehkaam u Dr. Mukul hei yatoh wa i chna aiñ wei i wym kheiñkor u ya kiwa yahkhmat warim ka party.
Da pyntip u wa ha u 2016, da thoh cha ki heh ka AICC wa emkaam wow pynkylla noh ya uwa yahkhmat ka party wa ha ka sorkar, tangwa ym em wa mano yeini.
Da ong u wa ym em iwon iwon i daw wa ka party tangwa ym yahaap de ya ki wa yahkhmat ya ka kiwa leh embor wa ki wym ap yeiwa ong kiwi ki MLA næ ka Cabinet.
U Rowel, u Prestone wa u Sniawbhalang toh ki le ngut kiwa chah pynhiar chuki noh ha u Montri Rangbah u Dr. Mukul.
U Prestone Tynsong da ong u wa ym yahaap de u wa i krehkaam samen wa i leh embor u Dr. Mukul.
Da ong u wa kawi na ki daw toh wa pynman aiñ ya ka Prevention of Disqualification (Member of Legislative Assembly Meghalaya) Amendment Bill, 2015 kawa khlem krehkaam hadooh kini ki sngi wei u Dr. Mukul ym ap u yeiwa ong wa pachat wa pynsñiaw ki MLA.
Ha iwi won i liang u Prestone wa u Sniawbhalang da yaroh u ya u Dr. Mukul kam uwa yahkhmat wa clur uwa chisien da chim u ya ka rai da leh u yeiwa rai khlem tieñ hanlada rai u samen.
Discussion about this post