Ka sorkar jylla ynne hapoh ka Dhab ki Montri namo ka Cabinet da chim ko boon ki rai wow pynkylla ya ka Office Memorandum (OM) heiyatoh waka Reservation Policy deilang waka Reservation Roster.
Kawi na kini ki rai toh wow booh ya ka kyndon wa thymme hapoh ka Reservation Policy wa kitu kiwa yaleh kreh neibynta ki kreh hapoh ki District wa da pynman da ka District Selection Committee (DSC), emkaam ki wow tip u klam ya ka tien ki bru ka District wa yaleh kreh ki.
Kani da man ko leh kam chibynta hi wow e laad chooh chooh ya ki tre District wow yoh ki yei kreh neibhah ki kreh man ki kam ki Non-Transferable Post namo ki kreh ki wym ye u chah kyrriah na kawi ka District cha kawi.
Ini da mut i leh wa chwa wow yaleh kreh, u tip u klam ya ka ktien wa em ki bru hapoh ka District da man ko kam kawi na ki kyndon.
Kam wow pynkynmoo wa ini wa dep ka sorkar ha ka Office Memorandum wa da pynmih ha uni u bnai da ong ko wa 80% ki kreh hapoh ki District toh u lai ki cha kiwa chong chnong wa pura ka District.
Puræ leh: 80% ki kreh sorkar wa lait ha ki District u lai ki cha kiwa chong chnong ka District
