Ka sorkar jylla da pynkylla ko ya ki kattu katni ki bynta yong ka Office Memorandum (OM) heiyatoh wa i pynkrehkaam ya ka Job Reservation Policy waka Reservation Roster.
Hawa klam hadien ka yalang yong ka Dhab ki Montri (Cabinet), ka Montri wa pait ya ka kaam aiñ kawa man leh kam kawa e ktien yong ka sorkar MDA, ka M. Ampareen Lyngdoh da ong ko wa ka sorkar da pynkylla ko ya ka Office Memorandum yong u snem 1974, neibhah katkam katai ka OM da e laad ya ki Garo ki wym toh kiwa napoh ka jylla wow pyndap yalehkreh lada ym em ki Garoh kiwa napoh ka jylla wa ye u yoh ya ini i kreh. Kamtæ da ini i pynkylla da pynkylla noh yeini wei u chah du da ki Garo kiwa napoh ka jylla Meghalaya kiwa ye u yaleh kreh sorkar.
Chooh chooh da khana wa ka sorkar da wanrah ko leh yei pynkylla ya ka Office Memorandum yong u snem 2020, kawa toh hajrong i bhah neibynta ki bru wa em i duna hei doh i pran namo ki People With Disability, wei neibynta kini daw pynpsiah kaam ya ki katkam ka OM kawa da pynmih ha ka 14-06-23.
