Shillong: Ka 29th National Road Safety Week kawa pynman da ka yungkrehkaam District Transport Office, Shillong hei yakrehlang wa ki bor pulit wa ki bor District ka East Khasi Hills da poi ko chawa kut ynne ha ka yalang wa pynman ha U Soso Tham Auditorium, Shillong.
U Chief Secretary ka jylla, u Y. Tsering da man u kam u kongsan hei emlang u Additional Chief Secretary, wa pait ya ka Transport Department, u K. N. Kumar, Deputy Commissioner, East Khasi Hills, u P. S. Dkhar, u Superintendent of Police, East Khasi Hills, u D.N.R. Marak, Commissioner of Transport, u I.W.Ingty, wa kiwi kiwi.
Kam u kongsan hawa e i klam da pynsñiawthooh u chaphang ki Good Samaritan, namo ki bru kiwa sakhi nyngkong yeiwa jia tyrrah kari heiwa da pyntip u wa katkam ka aiñ, ki Good Samaritan kiwa yarap ya kiwa mynsoo namo kiwa chah ktah ha i tyrrah kari ym chah pynchitom ki ha ka aiñ.
Da kyntu u ya ki khynnah wow pynemkaam ya ki Zebra Crossing hawa kaap chiliang sarok wei wow pait dei miat hawa lai ha sarok wei wow bood ya ki kyndon pyllai kari namo ki Traffic Rules.
Ha kani ka sngi da chim leh ya ki kyntien kular namo wa tip leh kam ka “My Traffic Pledge” wa yahkhmat da u Chief Guest, da em leh ki rwai, ki lehke wa tbian kiwa da pynkhreh da ka dhab ka Silbi Passah hajrong i emkaam wow bood ya ki kyndon aiñ hawa em ha sarok, wa kiwi kiwi yow yait na i tyrrah kari.
Ha ka tayaw leh warom da em ki pynsñiawthooh paidbah, ya ki khynnah kamjooh kiwa yah kari, wa kiwi kiwi.
Discussion about this post