Shillong: Ka sorkar jylla dang dep pyllait poisa yarap ko kawa T. 2,100 cha ki 86405 ngut kiwa mylla sngi, na kini em 1,81,000 ngut kiwa dadep register wa ka sorkar, kini kiwa mylla toh kiwa da chah ktah ha i khang chnong namo ka Lockdown, wei i su toh neibynta 3 tayaw.
Hawa yaklam ynne ka sngi, u Symbood Montri Rangbah ka jylla, u Prestone Tynsong da ong u wa ya kiwa sah wow phah ya ka poisa da ekti ha ka chnat Labour wow leh yeiwa emkaam, wei i daw i wympu ye wow phah cha kiwi won kiwa dang sah kamwa 95,000 toh neidaw wa em i thut ha ki bank account, wei yeini ka chnat Labour dang pait bniah ko wow pynbait.
Heiyatoh wa kiwa da pynpsiah pyrtuid ha ka Meghalaya Buildings and Others Construction Works, ka sorkar dadep pynlait ya ka poisa T. 1,000 chi tayaw cha ki 24,730 ngut na kiwa em waroh 25,794 ngut, wei ya kini leh ka chnat da pyndep ko yeiwa emkaam wow pynlait noh ya ka poisa ha ki sngi wow wan.
Discussion about this post