U montri rangbah ka jylla Meghalaya u Conrad Sangma da ong u wa ha kini ki sngi waki tayaw wa da lai da sdang ku kiwa yoh COVID-19 haki thaaiñ mihsngi tangwa ini toh iwa che bha neidaw wa liwan kitu kiwa sahkut cha kiwi jylla kiwa em leh ki Red Zone.
Kamtæ da ong u wa da sñiawthooh hi ym dam wow em kiwa yoh COVID-19 wei neiliang ka sorkar leh da pynrkhiñ bha ko wow sylli bniah ya kitu kiwa liwan yow lait u em itæ i poor uni u khñiang hapyrdi ki para wa chong chnong.
Chooh chooh da ong u wa kiwa yoh ya uni u khñiang daw em chooh chooh ki katwa dang poi kiwa liwan wei ki paidbah ym toh u sñiawphylla ki lane wow tieñ u khuslai ki neibhah ka sorkar da leh ko yaki Test wa kiwi kiwa emkaam yow lait uni u khñiang u psiah chapoh ki chong ki thaw neibhah ya waroh kiwa liwan daw booh yaki hapoh ki Corona Care Centre lane ki Quarantine Centre.
Kamtæ u montri rangbah da yooluti u wa ym yoh yei poor uni u khñiang hapoh ka jylla wei kiwa yoh leh toh kitu kiwa liwan donhi.
Discussion about this post