Ka Department of Personnel and Training (DOPT) ka sorkar India, deiwa ya krehlang waka Department of Sports, da wanrah ko boon ki kaam yow pynchlur ya kiwa yaleh Sports hapoh ka ri nadooh i rukom jied ya ki deiwa khooid wa suba.
Hajrong ini, neiliang u Union Minister ka Youth Affairs & Sports, u Anurag Singh Thakur da pynbna u wa kiwa yoh takma daw ye ki u yoh kreh sorkar.
Da ong u wa yeini da leh katkam i angnood u Prime Minister, Narendra Modi yow pynchlur ya kiwa boon kiwa yalehke yow pynman yaka kam ka laad im-ja, kamtรฆ da pynbna wa kitu kiwa yoh takma haka Kheloย Indiaย daw ye ki wow yoh kreh sorkar.
Chooh chooh da ong u wa ini u man ko leh ya kitu kiwa yoh takma haka Khelo India Game- Youth, University, Para wa Winter Games kiwa ye wow yoh kreh sorkar. Da pynrap u wa da booh leh ki kyndon wa che kam kiwon ki jait yalehke yow pyntikna wa waroh yoh laad ki.
Hapoh ki kyndon wa thymme, kitu kiwa lehbha ha ka Kheloย Indiaย Youth Games (kiwa em 18 snem chaneiรฑ),ย Kheloย Indiaย Winter Games,ย Kheloย Indiaย Para Games waย Kheloย Indiaย University Games kattu u man noh ki kiwa daw yoh kreh sorkar. Chooh chooh kitu kiwa lehbha ha ki School Games Federation ofย Indiaย leh daw yoh ki yeini i jooh i laad.
Sa iwi iwa da kynthup lang toh ya kiwa yaleh Chess hapoh ka ri wa cha baar ri. Ini u man ko leh ya kiwa kiwa da mihkhmat yaka ri, yaka jylla yong ki wot hadooh kiwa da lehbha ha ki Junior National Tournament.
Yow pynbait yeini, da pynkhreh yaka Roster yow pynkup bor yow e Certificate yow pynsakhiat kiwon kiwa emhok sakhiat wow yoh yeini, wei kini toh ki Secretary ki National Sports Federations (neibynta ki lympung wa pynman cha baar ri), ki Secretariy ki State Association (neibynta ki lympung hapoh ka ri), ki Dean nรฆ ki Sports Officers ki University (neibynta ki lympung Inter-University) wa kiwi kiwi de toh kiwa da embor wow e ya kini ki Certificate.
Ya ka Khelo India Games leh da tipmit yaka kam ka yakob yalehke wa ya ryngkat wa kiwi de kiwa da pynman hapoh ka ri.
Discussion about this post