Ka Wyrta wa da yoh na u SP ka Ri-Bhoi District, da pyntip wa ki pulit ka East Khasi Hills DEF deilang wa ki Ri-Bhoi DEF da ye ki wow pynthut wei wow pynsepai yei thmu ka Hynniewtrep National Liberation Council (HNLC) u tympdung sa uwi u Bomb IED.
U SP da pyntip u wa haka 11 tarik uni u bnai heipor kamwa 6:00 waje i janmiet da ksoh ya kawi ka kari Bolero Pick-Up wa em Number ML-12-3243 ha Umsning-Mawhati wa yah da u Damanbha Ripnar.
Napoh kani ka kari da chem ya uwi u Bomb IED uwa da chimkti noh da ki Bomb Detection & Disposal Squad (BDDS) na Shillong hadien wa dep ki wow leh yeiwa emkaam.
Chooh chooh u SP da ong u wa hadooh wa phah u yaka khubor da yoh wow kem yaka chnat ka HNLC kawa man kam ka Sleeper Cell kawa da sdang pynkrehkaam kawa em 4 ngut hapoh yong ka wei kini da leh ki deiwa yoh hukum na ki dkhot ka HNLC wa em ha Bangladesh.
Kini kiwa chah kem man ki kamni ha wah:
U Damanbha Ripnar uwa tip leh kam u Shall Lapang
U Robinis Ripnar
U Jill Tariang
U Shining Nongrum kiwa waroh ha Ri-Bhoi District.
Ki tiar wa yoh u kem toh 15 tylli ki Gelatin Sticks, 167 tylli ki Splinters (kiwa thap hapoh u IED), 1 Safety Fuse Wire, 3 tylli ki Non-Electric Detonators deilang wa 5 tylli ki Mobile Phone.
Ya kini da pynngat Case hapoh ka Nongpoh Police Station hapoh ka kyndon 120B/121A ka IPC deilang waka kyndon 10/13/18 ka UA(P) Act waka kyndon 5/6 ka Explosive Substance Act.
Discussion about this post