U Minister ka chnat Sports and Youth Affairs, u Wailadmiki Shylla ynne ha ka National Sports Day wa pynman da ka Department of Sports and Youth Affairs da ong u wa i e Award ya kiwa yalehke Sports toh i sdang donhi.
Ka phang ha kani ka sngi toh kawa ong, “Khelega Bharat, Jeetega Bharat”.
Da ong u wa ka Budget namo ka Mang Tangka neibynta ka Sports da ku ko na ka Rs. 40 klur ha u 2018 cha ka Rs. 840 klur katni heiwa kiwa yoh ya ka Takma Ksiar ha ka National Games u yoh ki Rs. 2 lak iwa ku na ka Rs. 7,500 katwa kiwa yoh Takma Rupa wa Tama u yoh ki mar Rs 1.5 lak wa Rs. 1 lak.
U Wailadmiki da pynbna u leh wa kiwa yoh takma ha ka National Games, South Asian Games, Asian Games wa Olympics u yoh kreh sorkar ki lyngba ka Meghalaya Outstanding Sportsperson Direct Appointment Policy (MOSDAP) heiwa uwa yoh kreh nyngkong lyngba kani toh u Pynshngain Kurbah, uwa yoh Takma Tama ha ka 38th National Games.
U Wailadmiki da pynbna u leh wow e ya ka Training Stipend neibynta ka 39th National Games, ka Health Insurance For Sportspersons hapoh ka MHIS, i em ki 125 tylli ki Grassroots Football Centre, i sylli ya ki 24,500 ngut hapoh ka STAR Program wei wow wai ya ka High-Performance Sports Science Centre ha JN Sports Complex ha u September 2026.
Ha kani ka sngi da pynkup burom leh ya ka Mawlai Sports Club kawa man ka Champion ha ka 4th Meghalaya State League kawa psiah cha ka I-League-3 2025-26 wa kiwi kiwa yoh takma.
Discussion about this post