Uwi uwa chong chnong ka East Jaiñtia Hills da kylli u wa kammon ki karkhana Coke pteiñ ki wow krehkaam hawa ya u mooyong da khang kattu da palat 12 snem wow tih hapoh ka jylla waroh kawi tangwa kini ki karkhana lai bait i kaam ki.
Iwa phylla chooh chooh wa ha ka RTI wa da booh ha ka Directorate of Minerals Resources (DMR) ka sorkar jylla da kylli katwon tylli ki karkhana Coke wa em ha East Jaiñtia Hills, neiwon yoh mooyong ki, katwon Ton u mooyong wa da pynemkaam ha ka chi snem wa kiwi de, tangwa ka Directorate da ong ko wym em yukheiñ ko wei ya ka RTI da phah won cha ka chnat Industries.
Uwa yaleh RTI da ong u wa lada ka DMR ym tip ko chaphang u mooyong kiyi won wow tip neiwon poi u mooyong wa pynemkaam kini ki karkhana Coke.
Chooh chooh da ong u wa kamni iyi myntoi wow khang mooyong hawa em hi kiwa yoh wow lai pynhaap mooyong cha kini ki karkhana Coke.
Discussion about this post