Jowai: Ka seiñ Hynñiewtrep Student Union (HSU) Seiñbei da ong ko wa i wanrah ya ka rel hapoh jylla toh i rai u Montri Rangbah wei man i lehbor khlem yoh yei monjur ki paidbah ka bri u Ynñiawtrep.
U President ka seiñ u Kyrshan Rymbai da ong wa hei yong sakhiat u Montri Rangbah toh u pynbait chwa u ya u pood u ang ka jylla wei kam kiwa chong chnong hapoh ka jylla ym ye u pdiang ya ka rel lada ym biang ki aiñ wow pait yei psiah i mih ki baarjylla chapoh ka jylla yong i.
Chooh chooh neiliang u President ka seiñ da ong u wa ini i rai thurmur yong ka sorkar MUA-2 hapoh i yahkhmat u Dr. Mukul Sangma da man ko kayi kayi wow ksih yei hok ki piadbah neibhah yoosar ym em de emlaad u ha u snem 2018 wei kam ki paidbah haap chong pyrkhat i hajrong kini ki kaam ka MUA-2.
I pyrchang ko u pynbiej ya i hei pyrtuid ka rel wow wanrah ya ka roi ka paar toh iwa thok lut neibhah boon ki laad wow wanrah ya ka roi ka paar deiwa chna ya ki Policy wa boon kam ya ka Education, Industries, Health, Mining, Agriculture, Environment wa kamtæ ter ter ymtoh u ong waka luti rel donhi wa ye u wanrah ya ka roi ka paar pynkut ka hubor na u President ka seiñ.
Discussion about this post