Shillong: U Rajen Gohain, Union Minister of State (Railways) da kyntait u wa ka sorkar pyrdi u sangeh ko u chna ya ka luti rel neidaw wa pyrchah ki seiñbhalang neibhah ka sorkar thrang ko wow pynpoi ya ka luti rel hadooh ha Shillong.
Yeini da ong u hadien wa wan wai u ya ka scheme Pradhan Mantri Ujjwala Yojana (PMUY) ynnin ha Shillong.
“Khlem i kyrchaan ka sorkar jylla, ka luti rel ym ye ko u poi cha Meghalaya, kamjooh leh emkaam yei kyrchaan ki paidbah wei lada ymyoh yei waroh i kyrchaan kammon u ye u lai cha khmat.” da ong u Gohain.
Da ong chooh chooh u wa ki seiñ wa pyrchah ya ka luti rel toh ki seiñ yong kiwa kamai truck neibhah manda wan ka rel ymyoh kamai de ki.
Da ong u leh wa ka sorkar jylla haap bahkhleih ko wow pynbait ya kiwon ki moochynthut wa chem ko yow ye u lai bait i kaam.
“Lada ka luti rel wan ko daw yohmyntoi ki paidbah wei ym wanrah ko yei pyntngit namo i pynsih dur ya ka rymaw kamjooh ka imlang sahlang ka thaiñ,” ong u Gohain.
Discussion about this post