U Montri Rangbah ka jylla, u Conrad Sangma ynne da lai pait u ya ka madanbol Artificial Turf wa em ha Ladjaplem, Amlarem kawa dang lai i kreh kattæ chakhmat wei kawa da jan dep pynchna.
U Conrad hawa e yei klam da pynsñiaw u yei kmen wow yoo yei chna ya kani ka madan deiwa ong wa da miat bha i rukom wandur ko wei kam kini ki jait madan leh da chna ha kiwa boon ki thaw hapoh ka jylla.
Da yooluti u leh wa i kreh daw pyndep smat ki wei daw ye u sdang pynman ya ki yalehke nadooh u Wisu (March) 2026.
Neiliang kiwa pynchna ya ka madan da ong ki wa yei kreh daw pyndep noh ha u Thohlakhmi (Feb) 2026.
Kam wow pynkynmoo wa i kreh ya kani ka madan da beiñ da ki seiñbhalang kam ka HYC War Jaiñtia Circle, ka War Jaiñtia Students’ Union wa ka Jaiñtia Youth Federation kiwa da ong wa ka madan man ko yow yalehke ki chrieh ymtoh de da ki bru.
Discussion about this post