Kohngooh u Director ka NEIGRIHMS yei dawa ka HYC wow pynku yei bhah kiwa lai puræ MBBS wa Nurse

Ka Hynñiewtrep Youth Council (HYC) ynnin ka sngi da lai booh ko 5 tylli ki phang dawa hakhmat u Director ka North Eastern Indira Gandhi Regional Institute of Health and Medical Sciences (NEIGRIHMS), khamtam neibynta wow e laad ya ki khynroo khyllood ka jylla wow yoh kaam wei wow yoh u puræ ha katai ka skurbah kawa man leh ka thaw sumaar.

U President Rangbah ka HYC, u Roykupar Synrem da khana u wa i dawa ka seiñ toh wow thung kreh ya ki khynroo khyllood ka jylla kam ki Nursing Officer ha ki kaam wa ki bru wa da chah jied ki tangwa ym yoh kreh ki, da khana wa ka Nursing Officer Recruitment Common Eligibility Test (NORCET) da pynman ko ya ka Exam thap kreh Nurse ha NEIGRIHMS kiwa lait ha u snem wa dadep kamwa 220 tylli, wei kamwa 40-50 ngut ym em thung kreh ki wei ya kam kini toh toh u thung da ki Nurse wa man kam ki tre jylla kiwa da chakri kam kiwa kreh Contract wei da dawa leh wym toh de wow pynman ya ka Exam thung kreh lyngba ka NORCET.

Kawi won ka phang wa ka HYC da wanrah ko toh wow e bhah ya ki khynroo khyllood ka jylla wow puræ MBBS, wei toh u pynku noh na iwa da yoh katni iwa du 14 ngut napyrdi ki 50 ngut kiwa yoh puræ Doctor.

Da dawa leh na u Director ka NEIGRIHMS wow e laad ya ki khynroo khyllood ka jylla wow puræ hapoh ka College of Nursing wa kynthup ha ka kyrdan M.Sc Nursing kawa em 10 Seat wa B.Sc Nursing kawa em 50 Seat, neibhah katkam i ong yong u Roykupar i puræ hadooh katni ym em ka bhah wa kyrpang ya kiwa napoh ka jylla.

Related posts

Ki Contractor hap ki wow pynbiang ya ki kot ki sla yong kiwa mylla wa wanrah na baar, ong u Shakliar

May 16, 2025

Pyrchah ka JSU Jowai Circle yei pynman tamasa hajan ka Civil Hospital

May 16, 2025

U President ka HYC da khana u wa neiliang Director da pynsñiaw u wa nadooh uni u snem daw pynku noh ya ka bhah kiwa puræ ha ka B.Sc Nursing cha ka 100 Seat wei na kani 30% daw mang kyrpang neibynta kiwa napoh ka jylla yow yoh laad wow puræ. Katwa hawa yatoh wa i puræ MBBS, neiliang u Director da kular u wow pynku yei bhah neibynta kiwa napoh ka jylla deiwa pynku noh 100 tylli ki Seat neibynta ki khynroo khyllood ka.

Ka HYC ha ini i yachem wa u heh ka NEIGRIHMS da dawa leh wow pynstiñ ya ka Recruitment Rules (RRs) hawa yatoh wa ki kaam Store Keeper, neibhah kamwa man katni ki kyndon wa da booh toh iwa cha palat iwa da khanglaad ya ki tre jylla wow yoh yeini i kreh. Heijooh i por ka seiñ da pynsñiaw ko leh ha ki heh ka NEIGRIHMS wa ki tre jylla kiwa chim kaam kam ki Contract ha kani ka thaw sumaar wa toh u yoh ki leh ya ki Trading License na ka KHADC, wei da kyntu leh wa ka NEIGRIHMS toh u pyrkhat chwa ko ya ki tre jylla hawa e ya iwon iwon i kreh.