Ki khon yong ka Seiñ Raij Raliang ynne ka sngi da mih yonglang ki wow pynkhooid pynjngiar ya ki thaw ki bhaw, ki madan chaad kam chibynta wow pynphooh pynphieñ ya ka lehniam Kopati Puja kawa jooh pynman chisien chisnem.
Kamtæ da iwi i sur dei mynsien wa sñiaw chongchit da mih lang waroh kynthai wa chynrang hei wow chimbynta lang waroh chisngi nadooh i step hadooh janmiet kam ka dak wow pynyoo yei maya Blai i maya para bru.
Kamtæ ka Seiñ Raij Raliang lyngba u General Secretary yong ka u Hamjhan H Dkhar e sñiawngooh u ya waroh kiwa chimbynta ynne ka sngi wa u Blai Kynrad u nangthæh u i kyrkhu kyrdoh, u dap u biang liang wanang.
