theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Mih soh i buit u khynroo wow seiñ khih da iwa phær ha Jowai

Hawa kiwi kiwa boon ki khynroo khyllood pisa lynga ki ha kini ki sngi neidaw wym yoh khih yoh kreh la ha ki chnat sorkar næ ki Company næ ki thaw yong ki bru samen, wei boonsien hawa pyrchang ki u yieñ hei yong ki hi i kjat leh ñiaar wow em kiwa ye u chynna jngai dei wow seiñ yei khih wym pu em wa khih tangwa da bood bait yeiwa da seiñ da leh chwa da kiwi.

Lyngba kani ka Wyrta wanrah i haphi ya ka nongmuna uwi u khynroo uwa da leh yeiwa ym pu em leh kiwi ha chnong Jowai deiwa pyrkhat jngai heiwa da seiñ khih u deiwa rap phær itæ toh i dai ya ki soh wa boonjait katkam i kwah ki bru la da uwa tylli, la dei ah lyngkhot, næ dei chna umsoh wa kiwi de ki rukom.

Advertisement ad1

Uni u khynroo toh u Kitbor Paulus Tyngkan naka chnong Mooshrot, West Jaiñtia Hills District, uwa 5 na ki 9 ngut chipayu, wei ka dukan wada leh u yeini i khih toh ha Ladthadlaboh, Jowai hajan ka O.K. Complex.

Hawa yaklam u Wyrta wa oo Kitbor, da khana u wa hei im yong oo kam u khynnah skur angnood bha u wow pteiñ yei puræ tangwa neidaw wa ban i dooh hanla hadien wa poi u chakhmat haka Matric leh wym yoh laad u wow pteiñ kamwa thrang u.

Yaka Matric da pyndep u na chnong hi hadien neitæ da li sah u waki Phadar chapoh dakhar wei da kular ki leh u pynlai puræ Science kamwa kwah u, tangwa hapyrdi wa em u chapoh dakhar da khlaad noh u pa u, kamtæ da hap noh u wow liwan chnong yow yarap yaka yung.

Hadien neitæ da pyrchang u wow pyndep yaka Class-XI ha u 2019 dei kyrchaan ki Phadar, katwa yaka Class-XII deiwa paan ram na ki bru.

Kamtæ hadien wym sñiaw ye de u wow kyrchaan deiwa lai puræ wei khih khyrngang, pyrkhat noh u wow pynlai yumut du hei khih donhi yow dap yow biang, wei wan i pyrkhat ha oo wow sdang ya kani ka khih ha Jowai ka wym pu em wa leh.

Da ong u wa ya kani ka dukan leh da yohlaad u wow seiñ dei yarap ka Seiñ Khynroo Catholic naka chnong Mooshrot hi kam ka ram wei du hapoh ki 7 bnai wa lai luti u ya kani ka kreh da ye u wow su lut yaka ram.

Heiyatoh wa kani ka khih khana u wa heipor wa sdang boon kiwa phylla wa wan kylli kat wym jooh em ha Jowai tangwa manda yoh won ki u maad yaki soh wa ah, ki umsoh wa khleh u te nang boon kiwa wan thied khamtam heipor lyiur.

I buit wow leh ya kani ka khih khana u wada yoh chwa u katwa da jooh khih u nachwa ha Shillong, tangwa kiwa boon won ki buit wa em u da yohlaad u wow leh manda wai u da i yong oo hi i dukan.

Heiyatoh wow pynpliah won yei sap, ong u kat wym em laad u u lai cha ki thaw chah sikai, kamtæ ka bor Internet da yarap bha ko ya oo wow yoh boon ki buit wei ka wym ktah yei por khih u.

Kamwa man katte angnood u wow pynheh neidaw wa khynnia i thaw neibhah dang em chooh ki buit wa kwah u wow leh, tangwa ym pu yoh laad u.

Kamtæ kyntu u ya kiwi ki khynroo khyllood wa hawa seiñ iwon iwon i khih toh u pait dei wym pu em wa leh wei da kawa yoo dur leh u thied ki bru haka thaw wa mut u wai khnang yow man kawa yoh nong, najrong wow khih chitom yei kaam.

Advertisement ad1
Share this:
Previous

Khlaad u Ma Coldwyn Christopher Pariat

Next

Kreh yonglang ki khon ka Seiñ Raij Raliang yow pynkhreh yaka Kopati Puja