Krehkaam ka aiñ wow yoh du ki Tribal wow chimbynta wei thap Vote ha ki Election GHADC

Ki Election cha ka Garo Hills Autonomous District Council (GHADC) kattu u man ki du neibynta ki Tribal donhi deiwa em ka Electoral Roll kyrpang du ya ki khlem em ki Non-Tribal, wei ini wan i hadien wa u lat ka jylla, u CH Vijayashankar da pdiang u yei pynkylla ya ka aiñ Election ka Council.

Ya ini i pynkylla ya ka aiñ GHADC (Second Amendment) Rules, 2026 da pynbna leh ha ka Gazette ka jylla.

Ini wanrah i yei pynkylla ya ka Assam and Meghalaya Autonomous Districts (Constitution of District Councils) Rules, 1951.

Hapoh ka Rule 8 du ki Scheduled Tribe wa ye u yakhun ya ka Election GHADC, ka Rule 128 ong ko leh wa emkaam du ya ki ST wow thap vote wei ka Rule 129 e bor ko wow em jar jiar ka Electoral Roll ya ka Council.

Ya ini i pynkylla ya ka aiñ da pdiang ka GHADC ha ka 10 tarik u August hadien wa yoh mynjur na u Lat ha ka 6 tarik u August wow pynman ya ka dorbar.

Related posts

Takit ki pulit yeiwa em wa leh Black Magic yei dur u Modi hajan ka thaw thang-bru

October 25, 2026

Lait im waroh kiwa em hapoh ka Bus kawa sahkut dei chrooh ha synrang

October 25, 2026

U Chief Minister, u Conrad K Sangma da ban joor u yei angnood ka sorkar wow yada yei hok ki tre jylla deiwa ong wa i chna aiñ wei i chakri u man i neibynta i bha ki wow yoh myntoi. 

Ka samoi krehkaam ka GHADC u kut ko ha ka 18 tarik u October hadien wa pyndam ya ka Election ha u April 2026 nei awri ha Garo Hills, kattu emkaam u pynkhreh ya ka Electoral Roll wa thymme du neibynta ki ST wei kamjooh leh u pynman noh ya ka Election.