Ksoh ka ED ya ki yung ki sem deilang ka poisa wa dapoi Rs. 20 klur yong uwa jooh pynlai ya ka CMJ University ha Meghalaya

Ka Enforcement Directorate (ED) ynnin ka sngi da ksoh noh ko ya ki thaw ki bhaw, ka poisa wa ki mar ki mata kiwa dapoi Rs. 20 klur kiwa man ki yong u Chancellor ka CMJ University, u Chandra Mohan Jha, wa kamjooh kiwa ha-yung ha-sem u kiwa yatoh wa ka Meghalaya Fake Degree Scam.

Kini kynthup i ya ki yung ki sem wa em soo tylli ha New Delhi kiwa chongdor Rs 19.28 klur wa ka poisa wa em hapoh ka Bank Account u Jha kawa dapoi Rs.1 klur. Ya kini waroh da kem hapoh ka aiñ Prevention of Money Laundering Act (PMLA), 2002.

Wa kini kiwa dang ksoh thymme heiyatoh wa ini i kaam dapoi palat Rs. 69 klur.

Kani ka takit toh hajrong i e ya ki Degree thok da ka CMJ University kawa da jooh em ha Meghalaya heiwa yeini da leh khlem da pynman Exam næ deiwa bood ya ki kyndon.

Related posts

Thooh dei kreh ong ka SC ya ka kynthai wa dawa Rs. 12 klur, i yung wa ka BMW kam ka bai yalait kurim

July 22, 2025

Paan maap uwa kam wa chim uwi u bru ya u chabi kari

July 22, 2025

I takit da chem ko wa nadooh u 2010 hadooh u 2013, kani ka University da e ko da ki hajar tylli ki Certificate thok ha kiwa boon ki jait laiñ puræ (Course) nadooh ki Ph.D, M.Phil wa B.Ed Degree khlem da lai katkam ka aiñ.

Ka poisa wa da yoh deiwa leh ya kini ki kaam thok kaam chukor da pynemkaam wow thied thaw thied yung wa kiwi de ha kylleiñ ka ri.

Ka sorkar Meghalaya ha u snem 2014 da khang noh ko ya kani ka skurbah wei ka Supreme Court ha uni u snem da pynmih hukum ko leh wow pyndooh pyndam noh ya kani ka CMJ University yow pynksan ya ka hukum wa da pynmih ka High Court ka Meghalaya ha u snem 2021.