theme-sticky-logo-alt
theme-logo-alt

Ksoh ki pulit ya 17 tylli ki kari wa pyndait da ki Silencer wa ood

Hadien wa ki pulit ka East Khasi Hills deilang wa ki Shillong Traffic Police da e por ki ya kiwa pyndait da ki Silencer/Muffler wa ood ha ki kari ar chaka kamjooh ki kari soo chaka wow looid noh ya kini deiwa kdaw leh wa kini man ki pyrchah ya ka kyndon aiñ Section 182(4)/190(2) ka Motor Vehicle Act, 1988.

Ynne da lai chakhmat wow pynchitom ya kitu kiwa pteiñ wow pyndait ya kini ki Silencer/Muffler kiwa ood kiwa da pynthut yei thiah i dem ki bru kamjooh kiwa da pynkhlot chkoor ya kiwa lai wa wan.

Neiliang u Dr. LR Bishnoi, DGP ka Meghalaya da pyntip u wa ki pulit ka East Khasi Hills da yoh ksoh ki ya 17 tylli ki thuk-thuk wa ki kari kiwa da pyndait ya kam kini ki Silencer kiwa ood wei da em leh kiwa pyndait ha ki kari kamai (Local Taxi).

U DGP da pyntip u leh wa da dep yooh boon ki ujor na ki paidbah wa da boon kam kini ki kari wa pyndait ya kini ki Silencer wa ood.

Kiwa da chah kem da phah leh ya ki wow su ki ya ka kuna.

Puræ leh: Phah looid ki pulit ya kiwa pyndait Silencer da kiwa ood ha ki kari

Share this:
Previous

Iwa emkaam u tip kiwa da tymmen wa ki bru kyrpang yow thap Vote lyngba ka Postal Ballot

Next

Lai pynsñiawthooh ki heh ka West Jaiñtia yei emkaam kiwa thap Vote ha ki 3 chnong