Ynnin ka sngi uwi u Reactor ha kawi ka karkhana Chemical Factory ha Pashamylaram Industrial Area, Sangareddy District ka jylla Telangana da pdung syndet u heiwa da yap 8 ngut wei da mynsoo joor palat 26 ngut kiwa kreh tangwa ynne kiwa yap da ku cha 39 ngut wei kiwa mynsoo won cha 34 ngut.
Ini da jia i ha karkhana ka Sigachi Chemicals ha Patancheru heiwa u Reactor da pdung syndet u heipor wa pynkrehkaam ya oo.
Hadien i pdung da bood sa i diñ wa joor bha ha kani ka karkhana iwa pynman ya ki pulit tymplæh diñ u hiar ki wut-wut cha ini i thaw.
U Inspector General of Police, u Satyanarayana da pyntip u wa da ye u tymplæh yei diñ tangwa ym pu tip yei daw wa jia ini.
Chooh chooh da pyntip u wa phah ya ki State Disaster Response Force (SDRF), National Disaster Response Force (NDRF), Hydra Crane wa ki pulit wow lai cha ini i thaw wow yarap ya kiwa emkaam.
Da pyntip u leh wa heipor wa jia ini da em 150 ngut kiwa kreh ha karkhana heiwa 90 ngut na ki em ki chirup ha ini i thaw wa jia.
Neiliang ka sorkar da thung ko da ka Committee wa em 5 ngut ki dkhot yow takit yeiwa jia wei neiliang kani ka karkhana leh ym pu em khana ki yei daw wa jia ini.
Yeiwa haap wa oor wa pra kani ka karkhana dang pynkhooid ki wei kiwa yap wa mynsoo ye ki u nang ku chooh.
Kiwa lait im kiwa kreh ha kani ka karkhana da ong ki wa i pdung toh iwa joor bha iwa da sñiaw kamwa pdung Bomb.
Kani ka karkhana toh kawa chna ya ki Microcrystalline Cellulose (MCC), kiwa pynemkaam ha ki dawai, ki baam, ki dawai biah khmat iwa da phah cha ki karkhana wa em cha baar ri kam ka USA wa Australia.
Discussion about this post