Ku i boon MDC ka NPP deiwa psiah ar ngut kiwa jop naka Congress

Ka National People’s Party (NPP) da nang ku i em MDC ko ha KHADC cha ka 14 ngut hadien wa 2 ngut ki MDC wa jop na ka Congress, u Batskhem Ryntathiang na Mairang wa u Carness Sohshang na Mawkyrwat da psiah ki kam ki dkhot wa pura ka NPP deilang wa u MDC warim.

Ya kini ki ar ngut ki MDC deilang wa u MDC warim ka Sohra, u Donevan Kharwanlang da pdiang sñiawbha da kiwa yahkhmat ka NPP ha ka yalang wa da pynman ynne ka sngi ha yung krehkaam ka Party kawa em ha Lachumiere.

Ini i psiah kini ki 3 ngut cha ka NPP da nang pynkhlan chooh chooh ya ka Party neibhah da synraan lang ya kini da ki spah ngut kiwa kyrchaan, khamtam ha kam ini i por wa pynkhreh yaka Election MP kawa da sdang wow chongchit.

Hawa klam ha ka yalang pdiang burom, kini ki le ngut da pynsñiaw ki wa i daw bah wa da lai ki yow psiah cha ka NPP toh hadien wa da yoo ki ya ki kaam wa ka sorkar NPP da leh ko hapoh ka jylla deiwa em kiwa yahkhmat wa miat wa biang.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Kam wow pynkynmoo wa hapoh ka KHADC yaka EC da yahkhmat da ka NPP deiwa ya krehlang waka Congress kawa da tip kam ka Khasi Hills Democratic Front (KHDF).