Ku ka dan ka sorkar jylla na ka T. 500 klur cha ka T. 878 klur ha ka chi snem

Shillong: U montri rangbah ka jylla, u Conrad Sangma da kyntu u wow syndong bha ki chnat sorkar wow pait ya ka dan wa lait na ka sorkar jylla.

Hawa e i klam ha ka yalang hajrong ka GST neibynta ki sahep State Tax Officers ha KJP Synod Conference Centre, Shillong, u Conrad da ong u wa ka sorkar jylla yaleh ko wow thooh ki laad ki luti wow pynkhlan wei wow pynku ya ka yarong poisa ka sorkar.

U Conrad da yaroh u ya ki chnat wa yarap wow pynku ya ka yarong poisa ka sorkar kiwa da yaleh wow kynjoh ya ka thong wa da booh ha ka chi snem.

U Conrad da ong u wa da sakhi u wa ha ka chisnem wa da lai ka yarong poisa da ku ko na ka T. 500 klur cha ka T. 878 klur wei da kyrmen u wa daw ku chooh chooh ko ha uni u snem.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ka Meghalaya chaniah ko hadooh 85% ka poisa na ka sorkar pyrdi wei emkaam leh wow pynku ya ka yarong poisa ka jylla pyn daka yaka hi.

Chooh chooh da ong u wa ka GST man ko kawa emkaam bha ha ka jylla wei ka esikai hajrong yong ka khamtam ya ki sahep ka Tax Department toh iwa kongsan tam.