Shillong: Ka Assam da jop ko yaka Meghalaya da 6 Wicket haka Vijay Hazare Trophy wa pynman ha Dehradun ynne ka sngi.
Ka Meghalaya da jop ko yaka kylla khlem wei da jied ko wow Bat nyngkong tangwa da ye ko u kamai du 100 Run na ki 34.5 Over.
U Wallam Lyngdoh Kynshi da mih u heitaw Raj Biswa wow Bat nyngkong, heiwa u Punit Bisht da chimkti u kam u Captain na u Biswa. U Tengchan Sangma da mih u heithaw u Larry Sangma.
U Ravi Teja da kamai boon run dooh u da 51 Run wa u Sanjay Yadav uwa kamai 12 Run. Uwa kawang bol ka Assam toh uwa leh bha toh u Roshan Alam uwa yoh 4/25.
Ka Assam da sdang ko deiwa dooh ya ki pyn-ar kiwa Bat nyngkong deiwa khlem yoh ki chi Run leh tangwa da wan u Sibsankar Roy uwa man leh u Captain ka Assam uwa da kamai 50 Run na ki 30 tylli ki Ball wei da pynjop u yaka Assam haka 17.4 Over.
Ka Meghalaya kattu u yaleh ko yaka yalehke wa khaddooh (Group Match) pyrchah yaka Chandigarh ha kani ka 16 tarik.
Discussion about this post