15 49.0138 8.38624 1 0 4000 1 https://wyrta.com 300 0

Ku ki kaam tooh ha kylleiñ ka jylla

0 Comments
Advertisement ad1

Shillong: Ha ka 5 tarik uni u bnai u Sagar Chettri da chah kem u ha ki wa chong chnong ka Mawpyntih, EKH heipor wa dang mut u psiah tooh ha u yong ka R. Kharkongor wei da e kti ya oo cha ki pulit.

Ha ka jooh ka sngi ki damok da psiah tooh ki cha i Quarter ka BSNL wa sah u Pranab Kumar Das wa em ha Oakland, Shillong wei da tooh ki ar tylli ki Mobile Phone, ka snieh poisa, ki ATM Card, ki chabi office wa kiwi kiwi de ki tiar.

Ha ka 4 tarik won u Munna Priyadarshi u tre ka M/s MP Store, Khliehriat (EJH) da ujor wa uwa kreh u uwa tip kam u Samar Singh (Mechanic) da tooh u na dukan ya ka poisa wa T. 32,000, le tylli ki Mobile Phone, ki Memory Card, ki phone battery wa ki Pen Drive waroh da chong dor ki T. 1,37,780.

Ha ka jooh biang ka sngi heipor 10 waje i miet da chah tooh kawi ka scooty wa em ya u number ML-05L-8100 ka yong u Jang Bahadur Ray wa pynyeiñ ha Rilbong Zigzag Road, Laban, Shillong.

Ha ka jooh hi ka miet iwi i Wine Store wa em ha Monabari, South West Garo Hills da chah tooh boon ki klong beer wa i kiad pahræng wa chongdor T. 62,100.

Ha ka jooh biang ka miet ki damok da tooh ki ya ka poisa wa T. 40,000 na i dukan u Overwell Shadap wa em ha Mawkyrwat, SWKH.

Ha ka chi tarik won da chah tooh ar tylli ki mobile naka VIBES Restaurant wa em ha Nongrim Hills Shillong.

0 Comments

Leave a Reply