theme-sticky-logo-alt
theme-logo-alt
Advertisement ad1
Advertisement ad1

Ku kiwa dang yoh cha 13,154 ngut iwa boon dooh hadien 7 tayaw ha India

Kiwa dang yoh COVID-19 ha India ha kini ki 24 kynta da em ki 13,154 ngut iwa boon dooh hadien 7 tayaw heiwa ha uni u bnai da neh ki hapoh 10,000 man-ka-sngi lait na ynne ka sngi. Ha uni u bnai da tam leh da kiwa chait ya kiwa dang yoh awjan man-ka-sngi tangwa ynne kiwa dang yoh da tam ki ya kiwa chait da palat 5000 ngut.

Hanla ku kiwa dang yoh, dang neh won ki hapoh 15,000 ngut la 63 sngi.

Kiwa da dep yoh won ya u Omicron da em ki 961 ngut iwa ku da 180 ngut nadooh ynnin katwa kiwa da chait waroh da em ki 320 ngut.

Ki jylla wa em kiwa da yoh Omicron da ku ki cha ka 22 tylli deiwa em sa ha Punjab wa yoh.

Kiwa boon dooh kiwa da dep yoh Omicron toh ha Delhi (263) wa ha Maharashtra (252).

Waroh kawi ka ri kiwa da dang chah ktah ha u COVID-19 da em ki 82,402 ngut iwa mut 0.24%, kiwa da chait 3,42,58,778 ngut iwa mut 98.38% wa kiwa yap 4,80,860 ngut iwa mut 1.38%.

Ynnin ka sngi da leh 11,99,252 tylli ki Test heiwa kiwa chah ktah da em ki 1.10% kawa tip kam ka Positivity Rate kawa da neh hapoh 2% la 87 sngi.

Heiyatoh wa i e tika hapoh ka ri, da dep wow e la 1,43,83,22,742 sien heiwa ynnin ka sngi da e 63,91,282 sien.

Share this:
Previous

Woh Kiang Nangbah Khlawait ka Ri Loom Jaiñtia

Next

Wan pyndem u Junel Tongper, u dkhot ka HNLC ha Umkiang ynne ka sngi