Kiwa dang yoh COVID-19 ha Meghalaya da em biang ki palat 50 ngut hadien 22 sngi, da em ki hapoh 100 ngut la 47 sngi wa hapoh 200 ngut la 63 sngi heiwa ynne ka sngi da boon biang da kiwa dang yoh la le sngi.
Kiwa dang yoh ynne ka 24 tarik da em ki 71 ngut, kiwa dang chait 12 ngut wei ym em kiwa dang yap la 6 sngi wei ini da pynman biang ya kiwa chah ktah wow em ki palat 300 ngut.
Na kiwa dang yoh 66 ngut toh du ha East Khasi Hills wei 39 ngut na kini toh iwa ha Little Flower Convent Cluster. Kiwi ki District wa em kiwa dang yoh toh ha West Khasi Hills (02), West Garo Hills (02) wa ha East Garo Hills (01) katwa ha kiwi ki 7 tylli ki District ym em kiwa dang yoh.
Kiwa dang chait toh ha East Khasi Hills (07), West Khasi Hills (02), Ri-Bhoi (01), West Garo Hills (01) wa ha West Jaiñtia Hills (01).
Ki District wa boon dooh kiwa dang chah ktah toh ha East Khasi Hills (272), East Garo Hills (21), West Khasi Hills (19), West Garo Hills (18), Ri-Bhoi (13) wa ha West Jaiñtia Hills (10).
Ki District wa duna dooh kiwa dang chah ktah toh ha North Garo Hills (00), South West Khasi Hills (00), South Garo Hills (00), South West Garo Hills (00) wa ha East Jaiñtia Hills (03).
Waroh kiwa da chait da em ki 97.83% kiwa em 82,541 ngut, kiwa dang chah ktah da em ki 0.42% kiwa em 356 ngut, kiwa yap 1.74% kiwa em 1467 ngut, deilang dapoi 84,364 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah: