Ka seiñ HNYM-West Jaiñtia Hills District hapoh i yahkhmat u President, u Pynhun Shulet wa u Samjur Suiam, General Secretary deiwa emlang ki kattu katni ki dkhot ka Central Body, ha ka 9 tarik da lai yachem ki wa ka Dr. M. Ampareen Lyngdoh kawa man leh kam ka Montri wa pait ya ka chnat i chait i khiah yow dawa pynkrehkaam noh ya ka Maternal and Child Health Hospital (MCH) Jowai, kawa da dep wai da u Montri Rangbah ha ka 03-12-22, tangwa hadooh katni ym pu em pynkrehkaam ya ka.
Hachwa ini ha ka 5 tarik, ka seiñ ka seiñ da dep ko wow yachem wa u Medical Superintendent yong ka MCH Jowai wei neiliang yong oo leh da pynsñiaw u wa dang em boon i duna hapoh kani ka Hospital.
Kamtæ ka seiñ da li rah ko ya ini i kaam hakhmat ka Montri yow dawa pynkrehkaam noh chisyndon wei wow pynbiang leh ya ki tiar ki tar wa emkaam, wei neiliang ka Montri da kular ko wow lai hiar cha kani ka thaw sumaar ha ka 1 tarik u Naiynru.
Ka seiñ da lai e ko leh ya ka dorkhat ha yung krehkaam ka Director of Health Service (MI) Shillong, ka Dr. H.C. Lyndem, khnang yow chimkhia ki ya ini i dawa yong ka seiñ.
Chooh chooh ka seiñ da kular ko wym chong kli-kti ko kat wym pu ye u pynkrehkaam ya kani ka Hospital.
