15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kular u CEM, JHADC wa ym em i thmu wow chna aiñ chongkurim wa sariem wa ka KHADC

1 Comment

Jowai: Ka CSWO chirup wa ki kattu katni ki kynthai wa ki manbei na Jowai, Changpung wa Nongkhroh, ynne ka sngi da yachem ki ya u CEM ka JHADC u Madonbai Rymbai ha kamra krehkaam yong oo, wow pynsñiaw lada ka JHADC leh thmu ko wow chna ya ka aiñ wa sariem wa ka aiñ chongkha ka KHADC (Second Amendment Bill).

Neiliang u CEM da kular u ha ki wa ym em kam itæ i thmu wei waroh ki yumut wow pdiang toh kiwa pachat da ki Seiñ Kur wa ki Waheh Chnong wei emkaam bha ka chong phyllu yumut hajrong ini wei wow booh chwa ya ka ha khmat ki paidbah wow bichaar ya ka du hadien ini daw chong pyrkhat hajrong kini waroh.

Advertisement ad1

Da ong u wa iwa kongsan tam ya ka JHADC toh wow pynmih poisa wei wow yakhun ya ki kaam pynchah pyrtuid namo Benami iwa roi bha hapoh ri-loom Jaiñtia.

Neiliang u Madonbai da sñiaw u wa ki aiñ toh u wanrah chwa hakhmat ki paidbah deiwa pynrap wa boon ki aiñ wa chah kyntait ki neidaw wym man ki katkam ki kyndon ka riti synchaar ka ri.

Previous
Next

1 Comment

  • September 13, 2018 at 11:28 am
    Dawan Biam

    Biang hi ioh u jot ka jaitbru…

    Reply

Leave a Reply