U Chief Minister, u Conrad K Sangma, ynne da chimbynta u ha ka yalang ka Dorbar Chnong Madanriting wa pynman ha St. Peter’s Secondary School, Madanriting, Shillong hei emlang u Co-Chairman, State Law Commission ka jylla, u Lambor Malniang, ka Wansuk Syiem, MP warim ka Rajya Sabha, kiwa kitkaam ka ka dorbar chnong wa kiwi.
Ha ka yalang u Conrad da pynlait u ya ka ka Ambulance wa ka kari kit metyap namo ka Mortuary Van ka chnong wei da pynkup burom leh ya ki khynnah wa lehbha ha ka puræ puthi, ki COVID Warriors, ki pulit, ki ASHA, kiwa kreh monsñiawbha wa kiwi.
U Conrad hawa e i klam da yaroh u ya ka dorbar chnong wa pynman ko ya kani ka pynkup burom kamjooh wow yoh ya ka Ambulance wa ka Mortuary Van.
Neiliang ka dorbar chnong da e dorkhat ko leh ha u Conrad wow kyrpaad u chna pynmiat ya ki thaw paidbah ha Mandanriting kamjooh ka madan yalehke wa ka yung dorbar namo ka Community Hall.
Heijooh i por da kular u leh wow e ya ki Street Light wa CCTV ha Madanrting kam chibynta ka My City Campaign wei daw pait u leh hadien yei emkaam ka chnong.
U Conrad da tyrwa u leh yei yarap poisa wa Rs. 2 lak na ka Chief Minister’s Special Grant cha ki skur kamjooh wow thied ya ki tiar put tiar tem.
Discussion about this post