U Montri Rangbah ka jylla, u Conrad Sangma da kular u wow chimkhia hajrong i chna pynmiat ya u sarokbah NH-6 lada em kiwa ujor hajrong ini.
Ini wan i hadien wa u MP ka Shillong, u Dr. Ricky AJ Syngkon yong ka Voice of the People Party (VPP) da dawa takit u hajrong i kreh khalær ya u NH-6 lyngba ka chithi cha u Montri ka Road Transport and Highways, u Nitin Gadkari, heiwa da ong u wa uni u sarokbah toh uwa emkaam bha ha kathaaiñ mihsngi wei ha Kuliang, East Jaiñtia Hills da ye u khoh ya i psiang da i kti.
Hajrong ini, u Conrad da ong u wa man iwa eh wow sylli ya i kreh neibhah wa boon ki kaam wa da leh ha kylleiñ ka jylla nadooh ki yong ka sorkar jylla wa sorkar pyrdi.
Da kyntu u leh ya i krehlang ki paidbah wei kam ka sorkar toh u leh yeiwa emkaam manda yoh ya ka ujor.
Chooh chooh da kular u wa manda yoh ya ka ujor, lada man kiwon kiwon leh daw chimkhia u yeitæ heiwa u pynchitom ka chnat wa ka sorkar ya kiwa emkti.
Discussion about this post